Yuxarı

​Somalidə 9 nəfər Təhsil Nazirliyinin binasına basqının qurbanı olub

Bəzi xəbərlərə əsasən, basqınçılar girov da götürüblər

Bakı. 14 aprel. REPORT.AZ/ Somalinin paytaxtı Moqadişoda Təhsil Nazirliyinin binasına basqın nəticəsində 9 nəfər ölüb.

"Report" BBC-yə istinadən xəbər verir ki, içərisində partlayıcı qurğu olan avtomobil nazirlik ərazisinin divarına çırpılaraq partlayıb.

Bundan sonra silahlılar binaya soxulublar. Bəzi xəbərlərə əsasən, basqınçılar girov da götürüblər.

Hakimiyyət binanın hazırda hökumət qüvvələrinin nəzarəti altında olduğunu bəyan edib.

Xatırladaq ki, basqının məsuliyyətini "əş-Şəbab" terrorçu qruplaşması öz üzərinə götürüb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi