Şolts: “Ukrayna yüz illər boyu müharibənin nəticələri ilə mübarizə aparacaq”

“Genişmiqyaslı müharibənin nəticələrini, o cümlədən partlamamış hərbi sursat və mina təhlükəsini aradan qaldırmaq üçün Ukraynaya təxminən bir əsr vaxt lazım ola bilər”.

“Report” “RBC-Ukraina”ya istinadən xəbər verir ki, bunu Almaniya kansleri Olaf Şolts deyib.

“Almaniyada yaşayanlar bilirlər ki, biz hələ də İkinci Dünya Müharibəsi zamanı düşmüş mərmiləri tapırıq. Ukrayna daha yüz il bu müharibənin nəticələri ilə mübarizə aparmalı olacaq. Belə müharibələrin uzunmüddətli nəticələri olur - indi atılan bütün mərmilər illərlə torpaqda qala bilər”, - kansler bildirib.

O əlavə edib ki, Qərb tərəfdaşları müharibədən sonra Ukraynanın bərpasına birgə töhfə verməli olacaqlar.