"Shell" Venesuelada qaz yatağının işlənilməsinə dair saziş imzalayıb

Böyük Britaniyanın "Shell" şirkəti Venesuela ilə Loran bloku qaz yatağının kəşfiyyatı və istismarının birinci mərhələsinə başlamaq barədə saziş imzalayıb.

"Report" xəbər verir ki, bu barədə Venesuelanın dövlət telekanalı - VTV məlumat yayıb.

Sazişin imzalanmasında Venesuelanın Prezidenti səlahiyyətlərini icra edən Delsi Rodriqes iştirak edib. Hasil edilən xammalın həm daxili bazarın tələbatının ödənilməsinə, həm də ixraca yönəldilməsi planlaşdırılır.

Loran bloku yeddi yatağı birləşdirən böyük qaz aktivdir. Bu sahələrdən altısı coğrafi cəhətdən Venesuela və qonşu Trinidad və Tobaqo Respublikasının ərazisində yerləşir.