Səudiyyə Ərəbistanı ABŞ-a ilk dəfə qadın səfir təyin edib

Bakı. 24 fevral. REPORT.AZ/ Şahzadə Rima bint Bəndər Əs-Səud Səudiyyə Ərəbistanının ABŞ-da ilk qadın səfiri olacaq.

“Report” xəbər verir ki, bu barədə bazar günü yerli SPA agentliyi məlumat yayıb.

Bildirilir ki, onun təyinatı barədə qərarı kral Salman bin Əbdül-Əziz Əs-Səud qəbul edib.

Bunadək sözügdən vəzifəni Xalid bin Salman bin Əbdül-Əziz tuturdu. O, müdafiə nazirinin müavini vəzifəsinə təyin olunub.