Yuxarı

Sergey Lavrov: "Rusiya Ukraynanın NATO-ya daxil olmaq fikrinə mənfi yanaşır

Hər kəs NATO-nun gələcəkdə genişlənməsinin zərərini dərk edir

Bakı. 28 noyabr. REPORT.AZ/ Rusiya Ukraynanın NATO-ya daxil olması barədə bəyanatlara mənfi yanaşır. "Report" "İTAR-TASS"a istinadən xəbər verir ki, bu barədə Rusiyanın xarici işlər naziri Sergey Lavrov Avropa Şurasının baş katibi Torbörn Yaqland ilə görüşün yekunlarına dair mətbuat konfransında bəyan edib. 

"Hər kəs NATO-nun gələcəkdə genişlənməsinin zərərini dərk edir, bu da yalnız kontinentdə bölücü xətlərin yerini dəyişir", - S.Lavrov qeyd edib.

"Ukrayna və Sevastopol Alyansın üzvləri də daxil olmaqla, hamı anlamalıdır ki, bu gün Avropaya kontinenti bölmək istəyən qapalı bloklar əvəzinə, vahid hüquqi məkanda yaşamaq imkanı verən və "bir ölkə - bir səs" demokratik prinsipi əsasında fəaliyyət göstərən Avropa Şurası kimi təşkilatlar tələb olunur", - RF XİN rəhbəri əlavə edib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi