Rusiyanın Odessaya hava zərbələri nəticəsində dörd nəfər ölüb, altı nəfər yaralanıb

Rusiya qoşunları dünən Ukraynanın Odessa şəhərinə hücum edib.

"Report"un məlumatına görə, Odessa Şəhər Hərbi Administrasiyasının rəhbəri Sergey Lısak bu barədə teleqram kanalında bildirib.

Onun sözlərinə görə, Rusiya hava zərbələri nəticəsində dörd nəfər həlak olub və infrastruktura ziyan dəyib.

"Təəssüf ki, düşmənin bu hücumu dörd nəfərin həyatına son qoyub. İfadəsiz ağrı. Ailələrinə və dostlarına başsağlığı veririk. Daha altı nəfər yaralanıb", - Lısak yazıb.

O dəqiqləşdirib ki, yaralılardan biri, 32 yaşlı kişinin vəziyyəti ağırdır.