Rusiyanın hava hücumu nəticəsində Xarkovda iki nəfər həlak olub

Rusiya Silahlı Qüvvələrinə məxsus dronun mülki avtomobilə zərbə endirməsi nəticəsində Ukraynanın Xarkov vilayətinin Derqaçi icmasında iki qadın həlak olub.

"Report" xəbər verir ki, bu barədə Derqaçi Şəhər Hərbi Administrasiyasının rəisi Vyaçeslav Zadorenko "Telegram" kanalında məlumat yayıb.

"Çərşənbə axşamı, saat 18:50 radələrində (Bakı vaxtı ilə 19:50) Rusiya Silahlı Qüvvələri Rusiya Lozova yaşayış məntəqəsində hərəkətdə olan mülki avtomobilə FPV-dronla zərbə endirib. Avtomobildə olan hər iki qadın sərnişin həlak olub", – o yazıb.

Zadorenko avtomobilin sürücüsünün sağ qaldığını bildirib, lakin onun vəziyyəti ilə bağlı əlavə məlumat verməyib.