Bakı. 3 mart. REPORT.AZ/ Rusiya prezidenti Vladimir Putin ötən axşam Fransalı həmkarı Fransua Olland, Almaniya kansleri Angela Merkel və Ukrayna dövlət başçısı Pyotr Poroşenko ilə telefon danışığı aparıb.
"Report"un "Gazeta.Ru" saytına istinadən yaydığı xəbərə görə, danışıqlar zamanı hazırda Rusiyada həbsdə olan və aclıq aksiyası keçirən Ukraynalı pilot Nadejda Savçenkonun azad edilməsi mövzusu müzakirə olunub. Üç ölkə lideri Putindən Savçenkonun azad edilməsinin xahiş ediblər.
Söhbət əsnasında Ukraynanın şərqində beynəlxalq müşahidəçilərin yerləşdirilməsi məsələsinə də toxunulub.