Rubio və Lavrov ABŞ-Rusiya münasibətlərindəki "qıcıqlandırıcılar"ı aradan qaldırmağa razılaşıblar

ABŞ dövlət katibi Marko Rubio və Rusiya XİN başçısı Sergey Lavrov iki ölkə arasındakı münasibətlərdəki "qıcıqlandırıcılar"ı aradan qaldırmaq üçün məsləhətləşmə mexanizmi yaratmağa razılaşıblar.

“Report” xəbər verir ki, bu barədə “Reuters” ABŞ Dövlət Departamentinə istinadən məlumat yayıb.

M.Rubio və S.Lavrov iqtisadiyyat və investisiya sahəsində gələcək əməkdaşlıq barədə razılığa gəliblər.

Onlar həmçinin, ümumi geosiyasi maraqlara dair məsələlərdə əməkdaşlıqla bağlı anlaşıblar.

Qeyd edilib ki, Ukrayna münaqişəsinin həlli üçün bir görüş kifayət deyil. Tərəflər bu məsələ üzrə işə başlamaq üçün yüksək səviyyəli komandalar təyin etməyə razılaşıblar.