Romada sürücü avtomobili bir qrup piyadanın üzərinə sürüb

Bakı. 20 sentyabr. REPORT.AZ/ Vatikanın Müqəddəs Pyotr meydanına aparan küçədə bir qrup piyadanı avtomobil vurub.

"Report" "Rainews24"ə istinadən xəbər verir ki, qəza İtaliyanın paytaxtı Roma ərazisində baş verib.

Nəticədə Polşadan olan bir ailənin 5 üzvü xəsarət alıb.

Sürücünün yaş yolda idarəetməni itirdiyi ehtimal olunur.