Ramazan ayında Qətərdə məscidlər bağlı olacaq

Qətər dövlətində koronavirusun yayılmasının qarşısını almaq və ölkə vətəndaşlarının təhlükəsizliyini təmin etmək üçün Ramazan ayı boyunca məscidlər bağlanacaq və cümə namazları qadağan olunacaq.

“Report” xəbər verir ki, bu barədə qərarı ölkənin Vəqflər və İslam İşlər Nazirliyi qəbul edib.

Qeyd olunub ki, məscid minarələrindən azanın verilməsi davam edəcək.

Yalnız İmam Məhəmməd bin Abdel Vahhab məscidində cümə namazları 40 nəfərin iştirakı ilə qılınacaq. Ramazan ayında karantin rejimi qaydalarını pozanlara isə 200 min rial (55 dollar) cərimə tətbiq ediləcək.

Qətər Səhiyyə Nazirliyinin son məlumatına görə, ölkədə 7,1 mindən çox insan koronavirusa yoluxub, 10 nəfər ölüb.