Qvatemalanın cənubunda avtomobil qəzasında altı nəfər həlak olub

Qvatemalanın cənubunda yerləşən Eskuintla departamentində baş vermiş yol qəzasında altı nəfər, o cümlədən yetkinlik yaşına çatmayanlar həlak olub.

“Report” “Xinhua” agentliyinə istinadən xəbər verir ki, bu barədə yerli yanğınsöndürmə xidməti məlumat yayıb.

Məlumata əsasən, pikap sürücüsü idarəetməni itirib, nəticədə nəqliyyat vasitəsi yoldan çıxaraq aşıb və meşə zolağına düşüb. Zərbədən avtomobil alışıb, olay yerinə təcili yardım xidmətləri cəlb olunub.

Həkimlər avtomobildə olan altı nəfərin, o cümlədən yetkinlik yaşına çatmayanların ölümünü təsdiqləyiblər.

Hakimiyyət orqanları hadisənin təfərrüatlarını araşdırır.