Qvatemalada vulkan püskürməsi zamanı itkin düşənlərin sayı 332 nəfərə çatıb

Bakı. 5 iyul. REPORT.AZ/ Qvatemalada Fueqo vulkanının püskürməsi zamanı itkin düşənlərin sayı 332 nəfərə çatıb.

"Report" xəbər verir ki, bu barədə "Associated Press" yerli hakimiyyət orqanlarına istinadən məlumat yayıb.

Daha əvvəl təbii hadisə zamanı 197 nəfərin itkin düşdüyü bildirilirdi. Qvatemalada Fueqo vulkanı iyunun 4-də püskürüb. Təbii hadisə nəticəsində 100-dən çox insan həlak olub.