Konqo DR-in şərqində bir həftə ərzində 770-dən çox insan ölüb

Konqo DR-in şərqində bir həftə ərzində 770-dən çox insan ölüb Konqo Demokratik Respublikasının (KDR) şərqindəki Qoma şəhərində 23 Mart Hərəkatı (M23) qruplaşmasından üsyançıların yanvarın 26-da ölkəyə daxil olmasından bu yana ölənlərin sayı 773 nəfərə çatıb.
Digər ölkələr
1 Fevral , 2025 18:21
Konqo DR-in şərqində bir həftə ərzində 770-dən çox insan ölüb

Konqo Demokratik Respublikasının (KDR) şərqində yerləşən Qoma şəhərində (Şimali Kivu əyalətinin paytaxtı) hökumət qüvvələri ilə üsyançılar arasında gedən döyüşlərdə ölənlərin sayı 773 nəfərə çatıb.

"Report" xəbər verir ki, bu barədə "Reuters" ölkənin Səhiyyə Nazirliyinə istinadən məlumat yayıb.

Məlumata görə, çoxlu sayda meyit hələ də Qoma şəhərinin küçələrindədir. Çünki meyitxanalar həddən artıq doludur.

Ötən gün BMT baş katibinin rəsmi nümayəndəsi Stefan Dujarrik bildirib ki, Ümumdünya Səhiyyə Təşkilatı və onun tərəfdaşlarının Konqo hökuməti ilə birlikdə yanvarın 26-dan 30-a kimi apardığı qiymətləndirmə əsasında 700 nəfər öldüyü, 2 800 nəfər yaralandığı məlum olub.

Qeyd edək ki, üsyançılar şəhərə demək olar ki, tamamilə nəzarət edir.

Son xəbərlər

Orphus sistemi