Qəzzada ÜST işçiləri və onların ailə üzvləri saxlanılıb

Ümumdünya Səhiyyə Təşkilatının (ÜST) iki əməkdaşı və onların iki ailə üzvü İsrail ordusunun Qəzzanın mərkəzindəki Deyr əl-Bələh şəhərində keçirdiyi əməliyyat zamanı saxlanılıb.

“Report” xəbər verir ki, bunu Ümumdünya Səhiyyə Təşkilatının rəhbəri Tedros Adhanom Qebreyesus X hesabında etdiyi paylaşımda qeyd edib.

Onun sözlərinə görə, indiyədək saxlanılan 4 nəfərdən 3-ü sərbəst buraxılıb, biri həbsdədir.

Qebreyesus, həmçinin ÜST-nin 32 əməkdaşının qərargahlara təxliyə edildiyini bildirib.

Təşkilat rəhbəri əlavə edib ki, ÜST-nin əsas anbarına hücum zamanı yanğınla müşahidə edilən partlayış baş verib.