Qəzzada İsrail hərbçiləri ilə toqquşmalarda 1 fələstinli ölüb, 50 nəfər yaralanıb

Bakı. 11 may. REPORT.AZ/ Bu gün Qəzza zolagı sərhədində İsrail hərbçiləri ilə toqquşmalarda 1 fələstinli ölüb, 50-dək insan yaralanıb. 

"Report"un verdiyi xəbərə görə, bu barədə "Al Arabiya" telekanalı məlumat yayıb.

Bildirilir ki, Qəzzanın gənc sakini Xan-Yunis şəhərini yaxınlığında güllələnib. Başından yaralanmış iki nəfər ağır vəziyyətdə xəstəxanaya çatdırılıb. Yaralıların üçü azyaşlı, ikisi qadın, dördü jurnalistdir. Yaralanan jurnalistlərdən biri Almaniyadan olan reportyordur.