Yuxarı
    Bağlamaq

    Qazaxıstanda yaşayış binasının uçması nəticəsində 9 nəfər ölüb

    Xilasetmə işlərinə 280 nəfər cəlb edilib

    Bakı. 2 yanvar. REPORT.AZ/ Qazaxıstanın Karaqanda vilayətinin Şaxan qəsəbəsində yaşatış binasının uçması nəticəsində 9 nəfər ölüb.

    "Report" xəbər verir ki, bu barədə "TASS" agentliyi Qazaxıstanın Daxili İşlər Nazirliyinin "qaynar xətt"inə istinadən məlumat yayıb.

    "Hazırda ölənlərin sayı 9 nəfərdir" – deyə "qaynar xətt"in əməkdaşı bildirib. O, həmçinin qeyd edib ki, binanın uçması nəticəsində xəsarət almış 2 nəfər xəstəxanaya yerləşdirilib.

    Ölkənin Daxili İşlər Nazirliyinin Fövqəladə Hallar üzrə Komitəsinin rəsmi nümayəndəsi Ruslan İmanqulov isə bildirib ki, hazırda xilasetmə işlərinə xilasedicilər, polis əməkdaşları, təcili yardım briqadasının əməkdaşları da daxil olmaqla 280 nəfər cəlb edilib. Xilasetmə işlərində həmçinin ağır texnikadan da istifadə edilir.

    "İşlər bütün gecə və hər yerdə davam etdirilib" – deyə İmanqulov bildirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi