Qazaxıstanda ağır yol qəzası baş verib.
"Report" xarici mətbuata istinadən xəbər verir ki, bu barədə vilayət departamenti polisi məlumat yayıb.
Məlumata görə, hadisə Almatı-Bişkek magistral yolunun 109-cu kilometrliyində qeydə alınıb. Minik avtomobillərinin toqquşması nəticəsində 9 nəfər ölüb.
Hadisəyə səbəb nəqliyyat vasitələrindən birinin sürücüsünün avtomobilə idarəetməni itirməsi səbəb olub. Nəticədə avtomobil qarşıdan gələn minik maşının yoluna çıxıb.
Polis hadisə ilə bağlı təhqiqat aparır.