Qara dənizdə gəminin çevrilməsi nəticəsində 2 nəfər ölüb

Qara dənizdə gəminin çevrilməsi nəticəsində iki nəfər həlak olub.

“Report” RİA “Novosti”yə istinadən xəbər verir ki, bunu “Djuqba” çimərliyinin direktoru Andrey Andreyev deyib. Onun sözlərinə görə, “Atoll” adlı gəmi dənizin Mavi körfəz hissəsində batıb:

“Gəmidə olan şəxslərin xilas edilməsi üçün xilasedicilər göndərilib. İki nəfərin cəsədi gətirilib. Bu cür gəmilər yalnız 12 nəfərlik üçündür. Bizdə olan məlumata görə, gəmidə 30-dan çox şəxs olub. Nəticədə gəmi çevrilib. Hər kəs bilməlidir ki, gəzinti üçün gəmilər 12 nəfərlik olur”.

Rusiya Fövqəladə Hallar Nazirliyinin məlumatına görə, gəmidə olan 43 nəfərdən 37 nəfəri xilasedcililər tərəfindən sahilə gətirilib.