Yuxarı
    Bağlamaq

    Pyotr Poroşenko parlamenti buraxıb

    Növbədənkənar parlament seçkiləri bu ilin oktyabr ayının 26-da keçiriləcək

    Bakı. 26 avqust. REPORT.AZ/ Ukraynanın prezidenti Pyotr Poroşenko Ukrayna Ali Radası yeddinci çağırışının səlahiyyətlərinə vaxtından əvvəl xitam verilməsi haqqında fərman imzalayıb.

    Report-un "İnterfaks-Ukrayna"-ya istinadən verdiyi xəbərə görə, bu barədə prezident özü bildirib.

    Prezidentin sözlərinə görə, parlamentdə bir neçə deputatdan ibarət qrup var ki, onları seçən xalqın maraqlarını təmsil etmirlər. 

    "Məhz bu deputatların əksəriyyəti yüzlərlə insanın həyatına son qoyan diktator qanunlarını təsdiq ediblər və buna görə cavab vermək lazımdır" - deyə,  prezident qeyd edib. 

    P.Poroşenko demokratik siyasi qüvvələri vahid pro-Ukrayna, pro-Avropa komandası kimi seçkilərə gəlməyə çağırıb.

    Növbədənkənar parlament seçkiləri  2014-cü ilin oktyabr ayının 26-da keçiriləcək.

    Xatırladaq ki, iyulun ortalarında bu ilin mart ayında Ukrayna hökumətini formalaşdıran deputat fraksiyaları koalisiyası onun tərkibindən "UDAR" ("Zərbə") və "Svoboda" ("Azadlq") fraksiyalarının çıxmasından sonra dağılıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi