Portuqaliyada helikopter qəzaya uğrayıb, ölən var

Portuqaliyada helikopter qəzaya uğrayıb.

"Report" xəbər verir ki, bu barədə "Reuters" ölkənin Qəza-Xilasetmə Xidmətinə istinadən məlumat yayıb.

Məlumata görə, helikopter yanğınsöndürmə xidmətinə məxsus olub və meşə yanğınını söndürmək üçün həmin əraziyə uçub. Qəza nəticəsində pilot həlak olub.

Məlum olub ki, hadisədən az əvvəl helikopteri yanğınsöndürənlərdən ibarət qrup tərk edib. Onlar bununla da ölümdən xilas olublar.

Qəzanın başvermə şəraiti müəyyənləşdirilir.