Polşanın baş naziri: "Varşava qaçqınları qəbul etməyəcək"

Bakı. 2 yanvar. REPORT.AZ/ Polşanın baş naziri Mateuş Moraveçkiy bildirib ki, onun ölkəsi Yaxın Şərqdən və Şimali Afrikadan olan qaçqınları qəbul etməyəcək.

"Report" xəbər verir ki, bu barədə o, "TVP Info" telekanalının efirində bildirib.

"Biz "Hüquq və Ədalət"in (Polşanın hakim partiyası - red) hələ 2015-ci ilin seçkilərinə qədər formalaşdırdığı dəyişilməz mövqeyində qalırıq. Polşa Yaxın Şərqdən və Şimali Afrikadan miqrantları qəbul etməyəcəyik. Bu, bizim suveren qərarımızdır", - deyə siyasətçi bildirib.

O, vurğulayıb ki, Polşa Ukrayna miqrantlarının öz ərazisində qəbul edərək, Avropa Birliyinin şərq sərhədlərindəki gərginliyi aradan qaldırır.