Polşada 17-ci əsrə aid kilsə yanıb

Polşanın Sanok şəhərində yerləşən ən qədim taxta kilsələrdən biri yanıb.

"Report" "Polsat News"a istinadən xəbər verir ki, yanğın Xalq Memarlığı Muzeyində baş verib.

"Böyük yanğın açıq səma altındakı muzeyin ərazisindəki üç binanı, o cümlədən 1667-ci ildə inşa edilmiş tarixi Müqəddəs Nikolay kilsəsini bürüyüb", - məlumatda deyilir.

Agentliyin məlumatına görə, yanğının söndürülməsində 140 yanğınsöndürən iştirak edib, alov nəzarətə götürülüb. Mütəxəssislərin səylərinə baxmayaraq, kilsə tamamilə yanıb, daha iki bina zədələnib.

Qeyd olunub ki, yanğının söndürülməsi zamanı yanğından mühafizə xidmətinin bir əməkdaşı əlindən yanıq xəsarəti alıb.