Polşa və Ukrayna müdafiə sahəsində uzunmüddətli əməkdaşlıq sazişi imzalayacaq

Polşa və Ukrayna rəsmiləri müdafiə sahəsində uzunmüddətli əməkdaşlıq haqqında saziş üzərində işi başa çatdırıblar.

"Report" xəbər verir ki, bu barədə Polşanın xarici işlər naziri Radoslav Sikorski TVN24 telekanalında deyib.

Sikorski sənədin iyulun 9-dan 11-dək Vaşinqtonda keçiriləcək NATO sammitindən əvvəl imzalanacağına ümid etdiyini bildirib.

Bundan əvvəl Polşanın baş naziri Donald Tusk iyunun 27-də Aİ sammitində Ukrayna liderinin səfərini açıqlayıb. O, qeyd edib ki, iki ölkə arasında təhlükəsizlik sazişi demək olar ki, hazırdır və iyulun 9-dan 11-dək Vaşinqtonda keçiriləcək NATO sammiti başlamazdan əvvəl imzalanacaq.