"Politico": ABŞ Almaniyaya "Tomahawk" raketlərinin tədarükündən imtina edə bilər

ABŞ administrasiyası Rusiya tərəfindən mümkün eskalasiya ilə bağlı narahatlıqlar səbəbindən Almaniyaya "Tomahawk" qanadlı raketlərinin göndərilməsi planlarından imtina edə bilər.

"Report" xəbər verir ki, bu barədə "Politico" qəzeti məlumat yayıb.

Nəşrin məlumatına görə, Pentaqon ehtimal ki, raketlərin Almaniyada yerləşdirilməsi ilə bağlı əvvəllər razılaşdırılmış planı ləğv edəcək, çünki Vaşinqton Moskvanın bu addımı eskalasiya kimi qəbul edə biləcəyindən ehtiyatlanır.

Qeyd olunur ki, qərar ABŞ-nin Avropadakı əsas müttəfiqlərindən biri ilə əvvəllər razılaşdırılmış razılaşmalardan kənara çıxmaq olacaq.