Peruda avtobus qəzasında onlarla insan həlak olub

Perunun qərbində avtobusun 300 metrlik uçurumdan düşməsi nəticəsində azı 20 nəfər ölüb.

“Report” xəbər verir ki, bu barədə yerli RPP radiostansiyası məlumat yayıb.

Bildirilib ki, nəqliyyat vasitəsindəki doqquz sərnişin sağ qalıb. Onlar xəstəxanaya yerləşdiriliblər.

Polis ölənlərin meyitlərinin axtarışını davam etdirir. Hadisənin səbəbi hələlik müəyyənləşdirilməyib.