Pekin Nəqliyyat Universitetində baş vermiş partlayışda 3 tələbə ölüb - YENİLƏNİB

Bakı. 26 dekabr. REPORT.AZ/ Pekin Nəqliyyat Universitetinin ərazisindəki tələbə laboratoriyasının binasında baş vermiş partlayış nəticəsində azı 3 tələbə ölüb.

Bu barədə "Report" xarici KİV-ə istinadən xəbər verir.

Həmçinin şəhərin yanğından mühafizə xidməti partlayışın elmi sınaq əsnasında baş verdiyini təsdiqləyib.

***07:19

Pekin Nəqliyyat Universitetinin kampusu ərazisindəki tələbə laboratoriyasının binasında partlayış baş verib.

“Report” "Sina" nəşrinə istinadən xəbər verir ki, ölən və yaralananlar barədə məlumat yoxdur.

Bildirilir ki, hadisə Bakı vaxtı ilə 05:30-da elmi tədqiqat zamanı olub. Əraziyə xilasetmə xidmətinin əməkdaşları cəlb edilib, partlayışın səbəbləri araşdırılır.

Daha əvvəl Yunanıstanda telekanal binası yaxınlığında güclü partlayış olub.