Parisdə polis zorakılığına qarşı nümayiş keçirilib

Bakı. 19 mart. REPORT.AZ/ Parisdə minlərlə insan polis zorakılığına etiraz əlaməti olaraq küçələrə çıxıb.

"Report" "Frans Press"ə istinadən xəbər verir ki, nümayişçilər "Ədalət və ləyaqət, polis cəzasızlığını dayandırın", "Hər yer polisdir, ədalət isə yoxdur", "Ədalət yoxdur, dinclik yoxdur" və s. kimi şüarlar səsləndiriblər.

Nümayişçilər əllərində polisin qurbanı olduğu ehtimal edilən 13 nəfərin portretini tutublar.

Mitinq zamanı hər hansı bir insidentin baş verməsi barədə məlumat yoxdur. Qeyd olunur ki, bu nümayiş polis özbaşnalığının qurbanı olanların qohumlarının təşəbbüsü ilə keçirilib.