Nyu-Yorkda BMT Baş Assambleyasının 71-ci sessiyası öz işinə başlayıb

Bakı. 14 sentyabr. REPORT.AZ/ Bu gün BMT-nin Nyu-Yorkda yerləşən baş qərargahında qurumun Baş Assambleyasının 71-ci sessiyası öz işinə başlayıb.

"Report" xəbər verir ki, iclası Baş Assambleyanın sədri Piter Tomson açıq elan edib.

İclasda BMT-yə üzv 193 ölkənin diplomatları iştirak edir.

Bundan əvvəl isə BMT-də Baş Assambleyanın 70-ci yubiley sessiyasının rəsmi bağlanış mərasimi baş tutub. Mərasimdə təşkilatın baş katibi Pan Gi Mun iştirak edib.