Norveçdə avtobusun gölə düşməsi nəticəsində 3 nəfər həlak olub

Norveçin şimalında Hadsel rayonunun Osvatnet gölünə turistlərlə dolu avtobus düşüb, ölənlər və yaralananlar var.

“Report” xəbər verir ki, bu barədə “The Sun” yerli polisə istinadən bildirib.

Nəşrin məlumatına görə, güclü qar və külək şəraitində 58 nəfərin (əsasən xaricilərin) olduğu avtobus günorta saatlarında yoldan çıxaraq gölə düşüb və qismən suya batıb.

Qəza nəticəsində üç nəfərin həlak olduğu, dörd nəfərin isə ağır xəsarət aldığı bildirilir.

Məlumatda qeyd olunub ki, həmin avtobus “Boreal Buss” nəqliyyat şirkətinə məxsusdur.