Bakı. 13 sentyabr. REPORT.AZ/ "Normand dördlüyü"nün xarici işlər nazirlərinin Berlində keçirilən görüşü başa çatıb.
"Report" xəbər verir ki, bunu TASS agentliyinə Rusiya nümayəndə heyətindəki mənbə təsdiq edib.
Danışıqlar üç saatdan artıq davam edib. Gözlənilir ki, Almaniyanın xarici işlər naziri Frank-Valter Ştaynmayer mətbuat üçün bəyanat verəcək. Rusiya XİN başçısı Sergey Lavrovun da jurnalistlərin suallarını cavablandıracağı bildirilir.