Bakı. 8 mart. REPORT.AZ/ NATO miqrant axını ilə mübarizə aparmaq üçün Egey dənizindəki gəmilərinin sayını artıracaq.
"Report" "Reuters"ə istinadən xəbər verir ki, bunu Şimali Atlantika Alyansının baş katibi Yens Stoltenberq bildirib.
"Biz gəmilərimizin sayını artırırıq. Bunun üçün (gəmilərə görə - red.) mən Böyük Britaniya və Fransaya minnətdaram", — deyə o bildirib.
Bundan əvvəl NATO qaçqın axınının azaldılması və qaçaqmalçılarla mübarizə məqsədi ilə Egey dənizində əməliyyatlara başlamağa razılıq verib.