Yuxarı

​Nepalda avtobus 200 metrdən uçuruma yuvarlanıb, 35 nəfər ölüb

Avtobus sərnişinlə dolu olduğundan, adamlar maşının damına miniblər

Bakı. 3 noyabr. REPORT.AZ/ Nepalın paytaxtı Katmandudan 85 km aralıda avtobusun uçurumdan yuvarlanması nəticəsində azı 35 nəfər həyatını itirib, onlarla sərnişin müxtəlif dərəcəli bədən xəsarətləri alıb.

"Report" BBC-yə istinadən xəbər verir ki, bu haqda yerli polis əməkdaşı məlumat yayıb.

Onun sözlərinə görə, hadisə Himalay yolunda baş verib: "Avtobus 200 metrdən uçuruma yuvarlanaraq əzilib".

Polis deyib ki, avtobus sərnişinlə dolu olduğundan, adamlar maşının damına miniblər.

Məlumata əsasən, ölkədə yanacaq qıtlığı olduğundan, ictimai nəqliyyatdan istifadə edənlər avtobusların damında belə getməyə razı olurlar. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi