Myanmada torpaq sürüşməsi olub, ölənlər və xəsarət alanlar var

Myanmanın şimalındakı Kaçin əyalətindəki nefrit mədənində torpaq sürüşməsi nəticəsində 2 nəfər ölüb, daha 3 nəfər yaralanıb.

“Report” xəbər verir ki, bu barədə yerli KİV məlumat yayıb. Məlumat görə, sürüşmə Hpakant rayonundakı şaxtada baş verib.

Qeyd olunur ki, Hpakant rayonunda nefrit daşının çıxarılması qeyri-müəyyən müddətə qadağan edilib, lakin iş qanunsuz aparılıb. Bu mədən bölgənin sakinləri üçün ən vacib gəlir mənbələrindən biridir.

Xatırladaq ki, Hpakant rayonundakı şaxtada baş verən daha əvvəlki sürüşmə 6 nəfərin həyatına son qoyub.