Monqolustanda qədim paytaxt Qaraqorum bərpa ediləcək

Monqolustan Prezidenti Uxnaaqiyn Xürelsüx orta əsrlərdə paytaxt olmuş Qaraqorumun bərpası barədə göstəriş verib.

“Report” Rusiya KİV-nə istinadən xəbər verir ki, bu barədə “Central Asia” yazır.

“Qədim paytaxt olan Qaraqorum Monqol İmperiyasının o dövrdə dünyanın siyasi və iqtisadi mərkəzi olduğunu göstərən tarixi-mədəni irsdir”, - Prezident bərpa haqqında sərəncamı imzaladıqdan sonra deyib.

Qeyd edək ki, Çingiz xan tərəfindən əsası qoyulmuş Qaraqorum (qədim türk dilində “Qara daşlar” mənasındadır – red.) şəhəri 1235-1264-cü illərdə Böyük Monqol İmperiyasının çiçəklənmə dövründə paytaxtı olub. İndi şəhərin yerində Qaraqorum tarix muzeyi var və bu, 2011-ci ildə açılıb.