Moldovada fövqəladə vəziyyət rejimi sentyabrın sonunadək uzadılıb

Moldovanın Milli Komissiyası koronavirus pandemiyası səbəbindən ölkədə ictimai səhiyyə sahəsində tətbiq olunan fövqəladə vəziyyət rejiminin sentyabrın sonunadək uzadılmasına qərar verib.

“Report” yerli KİV-ə istinadən xəbər verir ki, fövqəladə vəziyyət rejimi 30 sentyabr tarixinədək uzadılıb.

Komissiya üzvləri, həmçinin epidemioloji vəziyyətin inkişafından asılı olaraq ictimai səhiyyə tədbirlərini tənzimləmək üçün meyarlar və üsulları ehtiva edən yeni virus infeksiyalarına və cavab tədbirlərinə hazırlıq Planını təsdiq ediblər.