MİT Türkiyənin 60 təhlükəsizlik əməkdaşını qətlə yetirən terrorçunu ələ keçirib

Türkiyə Milli Kəşfiyyat İdarəsi (MİT) Suriyada yeni anti-terror əməliyyatı keçirib.

“Report” “Anadolu”ya istinadən xəbər verir ki, bu barədə qurum məlumat yayıb.

Əməliyyat nəticəsində PKK/KCK terror qruplaşmasının üzvü Ramazan Günəş ələ keçirilərək Türkiyəyə gətirilib.

Məlumata görə, o, Türkiyənin 60 təhlükəsizlik əməkdaşının qətlə yetirildiyi 12 terror aktı həyata keçirib.