Misirdə ağır yol qəzası olub, ölənlər var

Misirin paytaxtı Qahirənin cənubunda baş verən yol qəzasında 9 nəfər həlak olub.

"Report" xəbər verir ki, bu barədə yerli Alarabiya.net xəbər portalı məlumat yayıb.

Məlumata görə, hadisə ötən gecə kiçik Samalut şəhəri yaxınlığındakı magistral yolda baş verib. Minik avtomobili betonqarışdıran yük maşını ilə toqquşub.

Qəzanın başvermə səbəbi hələ məlum deyil.