Melburnda sürücü avtomobili izdihamın üzərinə sürüb, ölən və yaralanan var

Melburnda (Avstraliya) sürücü avtomobili bir qrup insanın üzərinə sürüb, nəticədə bir nəfər həlak olub.

"Report" xəbər verir ki, bu barədə yerli media polisə istinadən məlumat yayıb.

Bundan başqa, bir nəfər yaralanıb.

"Toyota" markalı avtomobil Melburn sərgi kompleksinin yaxınlığındakı Lanqs-Rou küçəsində səkiyə çıxaraq iki piyadanı vurub. Onlardan biri hadisə yerində ölüb, digəri isə yaralanıb", - məlumatda bildirilib.

İkinci piyada ağır vəziyyətdə xəstəxanaya çatdırılıb. Hadisəni törədən şəxs saxlanılıb.