Meksikada hərbi helikopter qəzaya uğradı, ölən və yaralananlar var

Meksikanın Hərbi Dəniz Donanması Nazirliyinin “Black Hawk” helikopteri Verakrus ştatının şərqində qəzaya uğrayıb.

“Report” TASS-a istinadən xəbər verir ki, bu barədə nazirliyin “Twitter”dəki səhifəsində bildirilib.

Qeyd edilir ki, hadisə Tepekuitlapa rayonunda, Teuipanqo bələdiyyəsi ərazisində baş verib. Qəza zamanı bir hərbçi həlak olub, daha doqquz nəfər xəsarət alıb.

Regionun qubernatoru Kuitlauaka Qarsiya özünün “Twitter”dəki səhifəsində bildirib ki, qəzaya uğrayan hərbçilər oğurlanmış insanların azad olunması əməliyyatına cəlb ediliblər.

Qəzanın başvermə səbəbi açıqlanmır.