"Manqhut" fırtınası Filippin sahillərinə çatıb

Bakı. 15 sentyabr. REPORT.AZ/ "Manqhut" fırtınası Filippinin şimal-şərq sahillərinə çatıb.

“Report” "Associated Press"ə istinadən xəbər verir ki, yerli sakinlər evlərin tavanını dağıdan güclü küləyin olduğunu və subasma yaradan bol yağışların yağdığını bildirirlər.

Filippin Atmosfer, Geofizika və Astronomiya Xidmətləri Departamenti öz "Twitter" səhifəsində qeyd edib ki, fırtına Kaqayan əyalətinin Baqqao bələdiyyəsinə üz verib.