Madaqaskarda qasırğa 100-dən çox insanın həyatına son qoyub

"Batsirai" tropik siklonu Madaqaskarda azı 100 nəfərin həyatına son qoyub.

"Report" xəbər verir ki, bu barədə "Madagascar Tribune" nəşri məlumat yayıb.

Beş kommunada 101 nəfərin ölümü təsdiqini tapıb. Nəşrin məlumatına görə, insanların çoxu şaxtalı külək və sürüşmə nəticəsində evlərin uçması nəticəsində həlak olub.

Adanın şərqində yerləşən İkonqo qraflığı dörd gün əvvəl siklonun təsirinə məruz qalan ilk ərazi olub.

Madaqaskarın Təbii Fəlakətlərin Nəticələri ilə Mübarizə Milli Bürosunun məlumatına görə, fevralın 6-na keçən gecə siklon nəticəsində bir çox ərazilərdə yaşayış binaları dağılıb, elektrik şəbəkələri sıradan çıxıb.