Macarıstan Baş nazirinin Ukraynaya səfəri hazırlanır

Rəsmi Budapeşt Macarıstanın Baş naziri Viktor Orbanın Ukraynaya səfərini hazırlayır.

“Report” xəbər verir ki, bunu Macarıstanın xarici işlər və ticarət naziri Peter Siyarto deyib.

Onun sözlərinə görə, Macarıstan hökumətinin başçısı bütün ilkin şərtlər yaradılan kimi Ukraynanın paytaxtına səfər edəcək: “İndi biz onun texniki hazırlığı mərhələsindəyik”.

Peter Siyarto həmçinin xatırladıb ki, fevral ayında Orban Brüsseldə Avropa İttifaqı sammitində iştirak edərkən Ukrayna Prezidenti Volodimir Zelenski ilə danışıb.

“Biz hər zaman Ukrayna ilə dialoqa hazırıq. Ümid edirik ki, dialoq məntiqlidir”.