Yuxarı

​"Lufthansa" tətil səbəbindən 290 reysi ləğv edib

Şirkət əməkdaşlarının tətili 7 gün davam edəcək

Bakı. 7 noyabr. REPORT.AZ/ Ötən gün Almaniyanın iri aviadaşıyıcısı sayılan "Lufthansa" şirkəti əməkdaşlarının tətilə başlaması səbəbindən 290 reys ləğv olunub.

"Report" xəbər verir ki, onlardan 23-ü Frankfurt-na-Mayn və Düsseldorf aeroportlarından uçmalı olan qitələrarası reyslərdir.

Gözləmələrə görə, tətil 7 gün davam edəcək və bu, 37,5 min sərnişinə toxunacaq.

Aviasiya işçilərinin maraqlarını təmsil edən UFO Həmkarlar İttifaqının üzvləri və "Lufthansa" rəhbərliyi tariflərlə bağlı razılıq əldə edə bilməyiblər. Xüsusilə də, əməkdaşların pensiya yaşının və təqaüd müavinətlərinin artırılması məsələlərində kəskin fikir ayrılığı yaranıb.

Həmkarlar İttifaqı tətilin başlanma müddətini qəsdən gizli saxlayıb ki, şirkət qabaqlayıcı tədbirlər görə bilməsin.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi