Londonda terror aktı törədilib, xəsarət alanlar var - FOTO

Londonun cənubunda naməlum şəxs bıçaqla ətrafdakılara hücum edib.

“Report”un RİA "Novosti"yə istinadən məlumatına görə, bu barədə Skotlend Yard bildirib.

“Stretem rayonunda kişi silahlı polis zabitləri tərəfindən güllələnib. Hazırkı mərhələdə güman edirik ki, bir neçə nəfər bıçaq xəsarəti alıb. Hadisənin başvermə şəraiti müəyyənləşdirilir”, - deyə polisin məlumatında bildirilir.

Hüquq-mühafizə orqanları hesab edirlər ki, hadisə terrorçuluqla əlaqəli ola bilər. Yaralıların dəqiq sayı açıqlanmır.