Londonda metro stansiyası təxliyyə olunub

Bakı. 16 sentyabr. REPORT.AZ/ Londonda "Fulhem Brodvey" metrostansiyası və ona bitişik olan kinoteatr təxliyyə edilib.

"Report" xəbər verir ki, insanlar müəssisələrdən partlayış təhlükəsi ilə bağlı yayılan məlumatlar səbəbindən çıxarılıb.

Bu barədə məlumat ilk olaraq sosial şəbəkələrdə yayılıb.

Hadisə yerinə fövqəladə xidmət əməkdaşları və polis maşınları cəlb olunub.

"Fulhem Brodvey" dünən qatarda əldəqayırma partlayıcı qurğunun işə düşdüyü "Parsons qrin" stansiyası yaxınlığında yerləşir.