Bakı. 15 yanvar. REPORT.AZ/ Şənbə günü Liviya sahillərində göyərtəsində 110 miqrantın olduğu gəmi çevrilib, çoxsaylı axtarışlardan sonra yalnız 4 nəfər xilas edilib.
“Report” xəbər verir ki, bu barədə bazar günü Beynəlxalq Miqrasiya Təşkilatının nümayəndəsi Flavio di Cakomoya istinadən “Associated Press” məlumat yayıb.
Qeyd olunur ki, insident Liviya sahillərindən təqribən 50 km. aralıda baş verib. İlkin məlumatlara görə, gəminin göyərtəsində 110 nəfər olub.
Xilasedicilər sudan 8 nəfərin meyitini çıxara biliblər.