Litvada prezident seçkilərində seçicilərin 53,6 faizi iştirak edib

Bu gün Litvada keçirilən prezident seçkilərində və iki referendumda yerli vaxtla saat 19:00-a olan məlumata görə, seçicilərin 53,6 faizi iştirak edib.

"Report"un məlumatına görə, bu barədə "Sputnik Litva" xəbər verib.

Qeyd edilir ki, rəqəmlər vaxtından əvvəl səs verənlərin sayını göstərir.

Yerli vaxtla saat 16:00-a olan məlumatda isə bildirilib ki, seçicilərin 44,3 faizi səs verib.

Qeyd edək ki, bu gün Litva seçiciləri prezident seçkilərində və referendumda səs verirlər. Referendumda səsverməyə çıxarılan məsələlər ikili vətəndaşlığın tətbiqi və deputatların sayının 15 faiz ixtisar edilməsindən ibarətdir.