Lavrov və Tillerson beynəlxalq gündəlikdə duran məsələləri müzakirə edib

Bakı. 22 fevral. REPORT.AZ/ Rusiyanın xarici işlər naziri Sergey Lavrov ABŞ-ın dövlət katibi Reks Tillerson ilə telefon söhbəti edib.

"Report" xəbər verir ki, bu barədə Rusiya Xarici İşlər Nazirliyinin mətbuat xidməti məlumat yayıb.

"Dövlət katibi ABŞ rəhbərliyi adından Rusiyanın BMT yanında daimi nümayəndəsi V.İ.Çurkinin vəfatı ilə bağlı başsağlığı verib", - deyə məlumatda qeyd olunur.

Həmçinin bildirilir ki, tərəflər beynəlxalq gündəliyin aktual məsələləri və ikitərəfli münasibətlər üzrə fikir mübadiləsi aparıblar.