Latviya Prezidenti velosipeddən yıxılaraq qolunu sındırıb

Latviya Prezidenti Edqars Rinkeviçs velosipeddən yıxılarkən sağ əlinin biləyini, sol əlinin barmağını sındırıb.

“Report” xəbər verir ki, bu barədə “Delfi” portalı məlumat yayıb.

Hadisə sentyabrın 28-də Rinkeviçslərin velosiped sürməsi zamanı baş verib. Yıxıldıqdan sonra dövlət başçısı tibbi yardıma müraciət edib, həkimlər onun sınıqlarını müəyyən edib və gips qoyublar.

Latviya Prezidentinin ictimaiyyətlə əlaqələr üzrə müşaviri Martinş Dregeris jurnalistlərə bildirib ki, zədə dövlət başçısının işinə təsir etməyəcək, o, hələ də sənədləri yazıb imzalaya bilər.